اسلام آباد: ایف آئی اے نے کلفٹن میں کارروائی کے دوران انسانی سمگلنگ میں ملوث 5 ملزمان گرفتار کر کے 187پاسپورٹس برآمد کرلئے۔ تفصیلات کے مطابقب ایف آئی اے انسداد انسانی سمگلنگ سرکل نے کراچی کے علاقے کلفٹن میں ڈرائیونگ لائسنس دفتر کے قریب رات گئے کارروائی کے دوران پنجاب سے آئے 5 ملزمان کو گرفتار کر لیا۔
حکام کے مطابق ملزمان سید محمد عباس، سید محسن رضا، غلام عباس، راجہ عامر اور خواجہ کلیم سے غیر قانونی طور پر مختلف افراد کے 187 پاکستانی پاسپورٹ برآمد ہوئے ہیں۔
حکام کے مطابق ملزمان غیر قانونی ٹریول ایجنسی کی آڑ میں مبینہ طور پر شہریوں کو خلاف قانون بیرون ملک روانہ کرنے میں ملوث ہیں۔انہوں نے کہا کہ ملزمان کے خلاف مقدمہ درج کر کے مزید کارروائی کی جا رہی ہے۔
