ایف آئی اے نے کراچی کے مختلف علاقوں میں کارروائی کے دوران حوالہ ہنڈی، غیر قانونی کرنسی کاروبار میں ملوث 2 ملزمان کو گرفتار کر لیا۔
ترجمان کے مطابق انچولی اور سمن آباد میں کارروائی کے دوران گرفتار ملزمان کی شناخت مدثر اور سجاد علی کے ناموں سے ہوئی ہے ،ملزمان سے 28لاکھ 35ہزار پاکستانی روپے اور 10ہزار امریکی ڈالر برآمد کیے گئے ہیں۔
ملزم مدثر کی نشاندہی پر اس کی رہائش گاہ پر چھاپہ مارا گیا جہاں سے مزید 35لاکھ پاکستانی روپے، 18ہزار سعودی ریال اور 5ہزار برطانوی پائونڈز برآمد کئے گئے۔
ترجمان کے مطابق ملزمان برآمد رقم کے حوالے سے تسلی بخش وضاحت پیش نہ کرسکے جس پر ان کیخلاف مقدمہ درج کر کے مزید قانونی کارروائی شروع کردی گئی ہے۔
