چیئرمین پیپلز پارٹی بلاول بھٹو نے عالمی برادری سے فلسطین کے دو ریاستی حل کیلئے فیصلہ کن اقدامات کا مطالبہ کیا ہے۔
فلسطینی عوام سے یکجہتی کے عالمی دن کے موقع پر جاری بیان میں بلاول بھٹو نے کہا کہ فلسطین کو درپیش مصائب انسانیت کے اجتماعی ضمیر پر گہرا زخم ہیں، فلسطین پر جاری قبضے کے دوران ہر معصوم جان کا ضیاع اور ہر گھر کا برباد ہونا دنیا کیلئے ایک کال ہے کہ وہ اخلاقی جرات، انصاف اور ہمدردی کے ساتھ اپنا کردار ادا کرے۔
انہوں نے کہا کہ پیپلز پارٹی ہمیشہ فلسطینی عوام کے ساتھ مضبوطی سے کھڑی رہی ہے اور دیرینہ خواب کی تکمیل تک ان کیساتھ کھڑی رہے گی۔
انہوں نے کہا کہ عالمی برادری بین الاقوامی قوانین کی پاسداری یقینی بنائے، فلسطین سے یکجہتی صرف جذبات تک محدود نہیں ہونی چاہئے، بلکہ یہ انصاف اور دیرپا امن میں تبدیل ہونی چاہئے۔
