سپریم کورٹ کے جسٹس جمال مندوخیل نے کہا ہے کہ مخصوص نشستوں کیس میں اکثریتی فیصلہ درست نہیں تھا، عدالت کسی امیدوار کی سیاسی وابستگی تبدیل نہیں کر سکتی۔
بدھ کو سپریم کورٹ نے مخصوص نشستیں کیس میں جسٹس جمال مندوخیل کے اکثریتی فیصلے پر جزوی اپیلیں منظور کرنے کا فیصلہ جاری کر دیا۔
جسٹس جمال مندو خیل نے 12 صفحات پر مشتمل فیصلے میں مخصوص 39 نشستوں پر اپنا اصل فیصلہ برقرار رکھتے ہوئے کہا ہے کہ 41 نشستوں کے معاملے میں اکثریتی فیصلہ درست نہیں۔
فیصلے کے مطابق 41 امیدواروں کو آزاد قرار دینے کا اختیار عدالت کے پاس نہیں تھا۔
جسٹس جمال مندوخیل نے کہا ہے کہ 41نشستوں سے متعلق فیصلہ آئین اور حقائق سے مطابقت نہیں رکھتا، عدالت کسی امیدوار کی سیاسی وابستگی تبدیل نہیں کر سکتی، 41امیدواروں کا معاملہ عدالت کے سامنے زیر التوا نہیں تھا، اکثریتی فیصلہ اختیار سے تجاوز تھا۔
