بالی ووڈ کی مشہور اداکارہ دیپیکا پڈوکون نے کہا ہے کہ میرے فلمی کیریئر میں بھروسہ سب سے زیادہ اہم ہے اور اس پر کوئی سمجھوتہ نہیں ہو سکتا۔
انہوں نے کئی اچھے معاوضے والی فلموں کی پیشکش قبول نہ کرنے کی وجہ بیان کرتے ہوئے کہاکہ میں نے کچھ اچھے معاوضے والی فلموں کی پیشکش اسلئے قبول نہیں کی کیونکہ وہ میری ذاتی اقدار کے مطابق نہیں تھیں۔
اپنے ایک حالیہ انٹرویو میں بھارتی اداکارہ نے کہا کہ اگر مجھے کوئی چیز بھروسے کے قابل نہیں لگتی تو اسکا مطلب وہ میری توقعات کے مطابق نہیں ہے۔
انہوں نے کہا کہ کچھ لوگوں کو ایسا لگتا ہے کہ صرف اچھے معاوضے کی پیشکش کر دینا کافی ہے لیکن ایسا نہیں ہے۔
