راولپنڈی: راولپنڈی میں ڈینگی کے حملے ختم نہ ہوسکے، گزشتہ 24 گھنٹوں میں مزید 19 افراد وائرس کا شکار ہوگئے۔
ڈسٹرکٹ ہیلتھ اتھارٹی راولپنڈی کے مطابق اب تک راولپنڈی کے مختلف ہسپتالوں میں ڈینگی کے 28 مریض زیر علاج ہیں، تاہم شہر میں ڈینگی سے کوئی ہلاکت رپورٹ نہیں ہوئی۔
حکام کے مطابق رواں سال اب تک 20ہزار 798افراد کا ڈینگی ٹیسٹ کیا گیا ہے جس میں مجموعی طور پر ڈینگی کے 1561 کیسز کی تصدیق ہوئی۔
حکام کے مطابق جنوری سے اب تک 61لاکھ 96ہزار 497گھروں کی چیکنگ کی گئی جس میں دو لاکھ 936گھروں میں لاروا کی موجودگی پائی گئی، 17لاکھ 81ہزار 469مقامات کی چیکنگ کے دوران 27ہزار 858مقامات پر لاروا برآمد ہوا، رواں سیزن 2لاکھ 28ہزار 794لاروا تلف کیا گیا، ڈینگی ایس او پیز کی خلاف ورزی پر 4736ایف آئی آرز درج، 1909مقامات سیل ، 3664چالان جاری اور 1کروڑ 13لاکھ 44ہزار 7روپے جرمانہ عائد کیا گیا۔
