چینی صدر شی جن پھنگ اور امریکی صدر ڈونلڈ ٹرمپ جنوبی کوریا کے شہر بوسان میں ملاقات کے دوران مصافحہ کر رہے ہیں۔(شِنہوا)
بوسان، جنوبی کوریا(شِنہوا)چین کے صدر شی جن پھنگ نے کہا ہے کہ چین اور امریکہ کو اپنے دونوں ممالک اور پوری دنیا کی بھلائی کے لئے مل کر مزید بڑے اور ٹھوس نتائج کے حامل کام انجام دینے چاہئیں۔
چینی صدر نے یہ بات گیونگ جو میں منعقدہ 32ویں اپیک اقتصادی رہنماؤں کے اجلاس اور جنوبی کوریا کے سرکاری دورے کےلئے بوسان پہنچنے کے بعد امریکی صدر ڈونلڈ ٹرمپ سے ملاقات کے دوران کہی۔
شی نے کہا کہ صدر ٹرمپ مختلف علاقائی تنازعات کے حل کے لئے خاصے پرجوش ہیں جبکہ چین بھی مختلف اہم مسائل کے حل کے لئے امن مذاکرات کو فروغ دے رہا ہے۔
چینی صدر نے کہا کہ آج دنیا کو کئی مشکل مسائل کا سامنا ہے۔ ایسے میں چین اور امریکہ بڑی طاقتوں کے طور پر اپنی ذمہ داری مشترکہ طور پر نبھا سکتے ہیں۔
