وفاقی وزیر داخلہ محسن نقوی نے اسلام آباد پولیس کے وفات پانیوالے ایس پی عدیل اکبر کے اہل خانہ سے تعزیت کا اظہار کیا ہے۔
جاری بیان کے مطابق وزیر داخلہ ایس پی کی رہائشگاہ کامونکی گئے اور عدیل اکبر کے والد اور بھائی کو دلاسہ دیتے ہوئے ہمدردی کا اظہار کیا۔
محسن نقوی نے مرحوم کیلئے فاتحہ خوانی اور سوگوار خاندان کیلئے صبر جمیل کی دعا ء کرتے ہوئے کہا کہ ایس پی عدیل اکبر انتہائی قابل اور فرض شناس آفیسر اور اسلام آباد پولیس کا اثاثہ تھے، ان کی ناگہانی موت سے دلی صدمہ ہوا، دکھ کی گھڑی میں اہل خانہ کیساتھ کھڑے ہیں اور ہمیشہ ساتھ کھڑے رہیں گے۔
