امریکی صدر ڈونلڈ ٹرمپ نے کہا ہے کہ حماس کو فوری طور پر باقی رہ جانے والی قیدیوں کی لاشیں حوالے کرنی چاہئیں، ان میں دو امریکی بھی شامل ہیں۔
ٹروتھ سوشیل پر اپنے ایک بیان میں انہوں نے کہا کہ اگر اسرائیلی قیدیوں کی لاشیں واپس نہ کی گئیں تو امن معاہدے میں شامل ممالک ایسے اقدامات کریں گے جن کی تفصیلات امریکی صدر نے واضح نہیں کیں۔
انہوں نے کہا کہ بعض لاشوں تک پہنچنا مشکل ہو سکتا ہے لیکن کچھ کو فی الحال واپس کیا جا سکتا ہے۔
