سیف جیل منصوبے کے تحت پنجاب کی سینٹرل جیلوں میں کیمروں و سیکیورٹی آلات کی تنصیب کیلئے سروے مکمل کرلیا گیا۔
جیل حکم کے مطابق منصوبے کے تحت 11سنٹرل جیلوں میں 55سو کے قریب کیمرے لگائے جائینگی، جیلوں میں پینک بٹن، واکی ٹاکی سسٹم، باڈی کیم، باڈی سکینرز، آٹو میٹک آلارم سمیت دیگر سکیورٹی آلات نصب ہوں گے، ہر جیل میں 5 سو کیمرے نصب کئے جائینگے جبکہ 15سے 20فیشل ریکگنائزیشن کیمروں کی تنصیب بھی ہوگی۔
حکام کے مطابق جنوری تک 11جیلوں میں تمام سسٹم انسٹال کردیا جائیگا، دوسرے مرحلے پنجاب کی دیگرجیلوں میں 7ہزار کیمروں کی تنصیب کی جائے گی۔
جیل حکام کے مطابق 5ارب کا منصوبہ رواں مالی سال مکمل کیا جائے گا۔
