وزیراعلی پنجاب مریم نواز نے دیوالی کے موقع پر ہندوبرادری کو مبارکباد دیتے ہوئے کہاہے کہ دیوالی محبت، بھائی چارے اور روشنی کا پیغام ہے، مذہبی ہم آہنگی اور اقلیتوں کے حقوق کا تحفظ حکومت کی ترجیح ہے۔
دیوالی کے موقع پر جاری بیان میں مریم نواز نے کہا کہ دیوالی کا دیپ محبت کی جوت جگاتا ، باہمی محبت اور بھائی چارے کا پیغام دیتا ہے۔
انہوں نے کہا کہ پاکستان ایک خوبصورت گلدستہ ہے جس میں مختلف مذاہب کے لوگ اخوت و بھائی چارے سے رہتے ہیں۔ انہوں نے کہا کہ پنجاب حکومت نے اقلیتوں کیلئے اسپیشل مینارٹی کارڈ کا اجرا کردیا ہے، محفوظ پنجاب ویژن کے تحت مینارٹی ورچوئل پولیس اسٹیشن بھی قائم کررہے ہیں۔
