نائب وزیراعظم اسحاق ڈار نے ملک بھر میں اشیاء کی بلاتعطل دستیابی یقینی بنانے کیلئے وفاقی وصوبائی حکام کے درمیان قریبی روابط پر زوردیا ہے۔
جاری بیان کے مطابق جمہ کو نائب وزیراعظم و وزیر خارجہ اسحاق ڈار کی زیر صدارت اجلاس ہوا جس میں مختلف اشیائے ضروریہ کی قیمتوں و سپلائی صورتحال کا جائزہ لیا گیا۔
اجلاس میں قومی غذائی تحفظ، بجلی اور اقتصادی امور کے وزرا کے علاوہ تجارت اور صنعتوں کی وزارتوں کے سیکرٹریوں نے شرکت کی، تمام صوبائی چیف سیکرٹریز، ٹریڈنگ کارپوریشن آف پاکستان کے چیئرمین اور متعلقہ محکموں کے حکام بھی اس موقع پر موجود تھے۔
وزارت نیشنل فوڈ سیکیورٹی اینڈ ریسرچ نے شرکاء کو موجودہ سٹاک کی دستیابی سے آگاہ کیا۔
اسحاق ڈارنے سپلائی کی موجودہ صورتحال پر اطمینان کا اظہار کرتے ہوئے ملک بھر میں اشیاء کی بلا تعطل دستیابی یقینی بنانے کیلئے وفاقی و صوبائی حکام کے درمیان قریبی رابطے کی ضرورت پر زور دیا۔
