پاکستانی شوبز انڈسٹری کی معروف و چلبلی اداکارہ حرا مانی کی ہمشکل پاکستانی نژاد برطانوی انفلوئنسر ڈاکٹر اقدس طارق نے کہا ہے کہ میرا شوبز میں آنے کا کوئی ارادہ نہیں ہے، حرا جو کام کر رہی ہیں وہ بہت اچھا ہے، میرا ان کی جگہ لینے کا کوئی ارادہ نہیں ہے۔
ایک انٹرویو میں ڈاکٹر اقدس طارق نے کہا حرا مانی سے مماثلت پر مجھے بھی حیرانی ہے لیکن سوشل میڈیا پر آنے سے قبل نہ کبھی خود میں نے سوچا اور نہ ہی حلقہ احباب میں کسی نے ایسا کہا۔
واضح رہے پاکستانی نژاد برطانوی انفلوئنسر ڈاکٹر اقدس طارق انسٹاگرام پر والدین کی تربیت اور ذہنی صحت سے متعلق مثبت مشورے دیتی ہیں، چند ماہ قبل انہوں نے اس وقت سوشل میڈیا صارفین کی توجہ حاصل کرلی جب ان کی ایک ویڈیو سوشل میڈیا پر وائرل ہوئی۔
ان کی شکل و شباہت حیران کن حد تک حرا مانی سے مشابہ ہیں، جسے صارفین دیکھ کر دنگ رہ گئے۔
ان کی صرف شکل ہی نہیں بلکہ آواز اور اندازِ گفتگو بھی حرا مانی سے مماثلت رکھتا ہے۔
