ایپل کے سی ای او ٹم کک نے عزم ظاہر کیا ہے کہ کمپنی چینی میں اپنی سرمایہ کاری میں اضافہ جاری رکھتے ہوئے تعاون بڑھائے گی تاکہ باہمی مفید اور قابل قبول ترقی حاصل کی جا سکے-(شِنہوا)
بیجنگ(شِنہوا)ایپل کے سی ای او ٹم کک نے عزم ظاہر کیا کہ کمپنی چین میں اپنی سرمایہ کاری میں اضافہ جاری رکھے گی اور باہمی مفید اور قابل قبول ترقی کے لئے تعاون کو مزید مضبوط کرے گی۔
ٹم کک نے بیجنگ میں چین کے وزیر صنعت و مواصلاتی ٹیکنالوجی لی لے چھینگ سے ملاقات کرتے ہوئے کہا کہ چین کی وسیع منڈی اور مکمل صنعتی نظام سرمایہ کاری اور کھپت کے لئے بے پناہ مواقع فراہم کرتا ہے۔ انہوں نے کہا کہ چین اعلیٰ معیار کی وسعت کو مسلسل فروغ دے گا، صنعتی شعبوں میں جدید ٹیکنالوجیوں کے اطلاق اور ان کی ذہین تبدیلی کو بھرپور طریقے سے آگے بڑھائے گا اور ایپل سمیت غیر ملکی کمپنیوں کے لئے سازگار کاروباری ماحول فراہم کرے گا۔
لی نے کہا کہ ہم امید کرتے ہیں کہ ایپل چینی منڈی کو مزید دریافت کرے گا، چین کی نئی صنعتی ترقی میں بھرپور حصہ لے گا اور چینی کمپنیوں کے ساتھ صنعتی سلسلے میں اشتراک کرتے ہوئے جدت پر مبنی ترقی کو فروغ دے گا۔
