سعودی عرب نے پاکستان اور افغانستان کے سرحدی علاقوں میں جاری تناو اور جھڑپوں پر شدید تشویش کا اظہار کرتے ہوئے کہا ہے کہ فریقین کشیدگی کم کرنے اور خطے کی سلامتی اور استحکام برقرار رکھنے کے لیے تحمل سے کام لیں۔
اپنے ایک بیان میں سعودی وزارت خارجہ نے کہا کہ مزید کشیدگی سے گریز کریں اور بات چیت اور سفارت کاری کو ترجیح دیں۔
خیال رہے کہ گزشتہ ماہ ہی پاکستان اور سعودی عرب کے درمیان دفاعی معاملات میں تعاون اور سلامتی سے متعلق باہمی دفاع کا سٹریٹجک معاہدہ ہوا ہے جس کے تحت کسی ایک ملک کے خلاف بیرونی جارحیت کو دونوں ملکوں کے خلاف جارحیت تصور کیا جائے گا۔
