انڈونیشیا کے مشرقی صوبے جاوا کے ضلع سیدوآرجو میں الخوزینی اسلامک بورڈنگ سکول کی عمارت گرنے کے بعد امدادی ٹیم کے اہلکار زندہ بچ جانے والے ایک طالب علم کو نکال رہے ہیں۔(شِنہوا)
جکارتہ(شِنہوا)انڈونیشیا کے مشرقی صوبے جاوا میں سکول کی عمارت گرنے سے ہلاکتوں کی تعداد 53 تک پہنچ گئی ہے جبکہ ملبے تلے پھنسے متاثرین کی تلاش کے لئے امدادی کارروائیاں اب بھی جاری ہیں۔
مشرقی جاوا سرچ اینڈ ریسکیو آفس کے سربراہ نانانگ سیگِت کے مطابق اتوار کی شام ایک مشترکہ امدادی ٹیم نے سیدوآرجو ریجنسی میں واقع الخوزینی اسلامک بورڈنگ سکول کے ملبے تلے سے 8 لاشیں برآمد کیں۔ امدادی کارروائی کے 8 ویں روز تک کل 157 متاثرین کو نکالا جا چکا ہے، جن میں 104 زندہ بچ جانے والے اور 53 میتیں شامل ہیں۔
انخلا کا عمل اب بھی جاری ہے اور ملبہ ہٹانے کا کام اب عمارت کے شمالی حصے پر مرکوز ہے، جہاں اہم ڈھانچے سے منسلک حصے شامل نہیں ہیں۔
بھاری مشینری اور برقی آلات کو تلاش اور امدادی کارروائیوں میں معاونت کے لئے استعمال کیا جا رہا ہے۔
یہ عمارت 29 ستمبر کو اس وقت گری تھی جب اطلاعات کے مطابق سینکڑوں طلبہ اندر نماز ادا کر رہے تھے، جس کے نتیجے میں متعدد طلبہ ملبے تلے دب گئے۔
