بھارتی شہر جے پورکے سوائی مان سنگھ اسپتال کے انتہائی نگہداشت کے وارڈ میں آگ لگنے کے نتیجے میں 6 مریض ہلاک جب کہ 5 مریضوں کی گیس اور آگ کی شدت سے حالت تشویشناک ہوگئی۔
بھارتی میڈیا کے مطابق آگ لگنے کے بعد13مریضوں کو بحفاظت نکال لیاگیا جب کہ حکام کو شبہ ہے کہ آگ شارٹ سرکٹ کے باعث لگی۔
حکام کا کہنا ہے کہ آگ کی وجہ سے زہریلی گیسیں خارج ہو رہی تھیں جس کے باعث 5 مریضوں کو سپورٹ سسٹم کے ساتھ دوسری جگہ شفٹ کرنا پڑا اور ایسی حالت میں مریضوں کی حالت مزید خراب ہوگئی۔
