وزیراعظم شہباز شریف نے صمود فلوٹیلا پر اسرائیلی فوج کے بزدلانہ حملے کی شدید ترین مذمت کرتے ہوئے کہا ہے کہ گلوبل صمود فلوٹیلا میں پاکستانی وفد کی شمولیت پاکستانی عوام کی امنگوں اور جذبے کی نمائندگی ۔
سماجی رابطے کی ویب سائٹ ایکس پر اپنے ایک بیان میںانہوںنے کہا کہ مشتاق احمد خان ، مظہر سعید شاہ ، وہاج احمد، ڈاکٹر اسامہ ریاض ، اسماعیل خان ، سید عزیز نظامی اور فہد اشتیاق سمیت دیگر پاکستانیوں نے انسانی ہمدردی کے اصولوں کے عین مطابق اس عظیم امدادی مشن میں حصہ لیا، یہ اقدام پاکستانی عوام کی امن پسند امنگوں، انصاف کے لیے جدوجہد اور ضرورت مندوں کی مدد کے جذبے کی نمائندگی کرتا ہے۔
وزیر اعظم نے کہا کہ حکومتِ پاکستان انسانی جان کے احترام، محفوظ رسائی، اور بلا تعطل امداد کے اصولوں کی حمایت کرتی ہے، اور اپنے شہریوں کی واپسی کا بھرپور مطالبہ کرتی ہے اور ان کی سلامتی، وقار اور جلد از جلد وطن واپسی کے لیے دعاگو اور کوشاں ہے۔
