ترکیہ نے طویل فاصلے پر مار کرنے والے نئے میزائل سائپر1 ڈی کا کامیاب تجربہ کر دیا ۔ترک میڈیا کے مطابق فضائی دفاع کے لیے ملکی سطح پر تیار کیا گیاسائپر 1 ڈی میزائل کی حد ضرب 100 کلو میٹر سے زائد ہے اور اس کا تجربہ نیشنل ورٹیکل لانچ سسٹم سے کیا گیا ہے۔
میزائل سائپر 1 ڈی بحری جہازوں سے عمودی انداز میں لانچ کیا جاسکتا ہے۔ یہ ترک سمندری دفاعی صلاحیتوں کے حوالے سے ایک اہم سنگ میل ہے۔
اس جدید میزائل کے تجربے کے بعد ترکیہ ان ممالک کی صف میں شامل ہوگیا ہے جو داخلی طور پر اپنے بحری بیڑے کے لیے طویل فاصلے کا فضائی دفاعی نظام بنانے کی صلاحیت رکھتے ہیں۔
