سری لنکا میں جاری 134ویں سری لنکن امیچور گالف چیمپئن شپ میں پاکستان کے گالفر سعد حبیب نے شاندار کارکردگی کا مظاہرہ کرتے ہوئے فائنل میں جگہ بنا لی۔
سیمی فائنل میں سعد حبیب نے میزبان ملک سری لنکا کے ریشان الگاما کو شکست دی، سولہویں ہول پر چار اسٹروک کی برتری کے ساتھ نوجوان پاکستانی گالفر نے کامیابی اپنے نام کی۔
میچ کے دوران سعد حبیب نے بھرپور کھیل پیش کیا جس میں ساتویں ہول پر ایک شاندار ایگل اور اس کے علاوہ چار برڈیز بھی اسکور کیے۔
فائنل میں سعد حبیب کا مقابلہ سری لنکا کے گالفر چناکا پریرا سے ہوگا اور یہ مقابلہ 36 ہولز پر مشتمل ہوگا۔
