پی ٹی آئی نے برطانیہ، کینیڈا اور آسٹریلیا کی جانب سے فلسطین کو بطور خودمختار ریاست تسلیم کرنے کے فیصلے کا خیرمقدم کرتے ہوئے کہا ہے کہ پارٹی فلسطین کی آزادی اور حقوق کی بحالی تک ان کے ساتھ کھڑی رہے گی۔
پی ٹی آئی کی جانب سے جاری بیان میں عالمی برادری سے بھی مطالبہ کیا گیاہے کہ وہ فلسطین کو تسلیم کرے اور مظلوم فلسطینی عوام کے حق خودارادیت کی حمایت کرے، اسرائیل کی جانب سے جاری بمباری اور قتل عام ایک کھلی نسل کشی ہے، جس پر عالمی طاقتوں کو فوری اور مثر اقدامات کرنے چاہئیں۔
بیان میں کہا گیا ہے کہ فلسطین کی تسلیم شدہ حیثیت انصاف اور امن کی جیت ہے۔ پی ٹی آئی نے فلسطینی عوام سے غیر متزلزل یکجہتی کا اظہار کیا۔
