گورنر سٹیٹ بینک جمیل احمد نے کہا ہے کہ 50 کروڑ ڈالرز یورو بانڈزکی ادائیگی کا انتظام کرلیا ہے، رقم ادائیگی سے زمبادلہ ذخائر پر دبائو نہیں پڑے گا۔
قومی اسمبلی کی قائمہ کمیٹی برائے خزانہ اجلاس کے بعد صحافیوں سے گفتگو کرتے ہوئے گورنر سٹیٹ بینک جمیل احمد نے بتایا کہ رواں مالی سال کے دوران 26ارب ڈالر کے بیرونی قرضوں کی ادائیگی کی جانی تھیں جن میں سے ساڑھے 3ارب ڈالر ادا کئے جا چکے ہیں، باقی واجب الادا قرضوں میں سے 9 ارب ڈالر دوست ممالک کی طرف سے دیئے گئے ڈیپازٹس ہیں جو وقت آنے پر رول اوور کر دیئے جائیں گے۔
انہوں نے بتایا کہ 30ستمبر تک 50کروڑ ڈالر یورو بانڈ کی ادائیگی کا بندوبست کر لیا گیا ہے، اس ادائیگی سے زرِمبادلہ کے ذخائر پر کوئی دبائو نہیں پڑے گا۔
