چین کے شمال مشرقی صوبہ حئی لونگ جیانگ کے شہر ہاربن میں ایک شخص یونٹ 731 کے سابقہ مقام کے داخلی دروازے کی تصویربنارہاہے-(شِنہوا)
ہاربن(شِنہوا)یونٹ 731 سے متعلق فلم "ایول اَن باؤنڈ” کا ورلڈ پریمیئر چین کے شمال مشرقی صوبہ حئی لونگ جیانگ کے دارالحکومت ہاربن میں پیش کیا گیا۔ یہ وہ جگہ ہے جہاں جاپان کا بدنام زمانہ جراثیمی جنگ کا یونٹ قائم تھا۔ فلم میں چین پر حملہ کرنے والی جاپانی فوج کے مظالم کو دکھایا گیا ہے۔
فلم میں وانگ یونگ ژانگ نامی ایک مقامی دکاندار اور دیگر افراد کی کہانی بیان کی گئی ہے جنہیں یونٹ 731 کی "خصوصی جیل” میں قید کیا گیا تھا۔ انہیں جھوٹے وعدوں کے ذریعے لالچ دیا گیا کہ اگر وہ صحت کے معائنے اور بیماریوں کی روک تھام سے متعلق تحقیق میں تعاون کریں گے تو انہیں آزادی مل جائے گی لیکن حقیقت میں انہیں خوفناک طبی تجربات کا نشانہ بنایا گیا، جن میں شدید سردی سے انجماد کے تجربات، زہریلی گیس کا سامنا اور ہوش میں انسانوں کی جراحی جیسے اذیت ناک عمل شامل تھے۔
یونٹ 731 ایک انتہائی خفیہ حیاتیاتی اور کیمیائی ہتھیاروں کی تحقیقاتی تنصیب تھی، جو ہاربن کے ضلع پھنگ فانگ میں قائم کی گئی تھی۔ یہ دوسری عالمی جنگ کے دوران چین اور جنوب مشرقی ایشیا میں جاپانی حیاتیاتی جنگ کی منصوبہ بندی اور نفاذ کا مرکز تھا۔
