آئی جی خیبرپختونخوا پولیس ذوالفقار حمید نے کہا ہے کہ دہشتگردی واقعات میں غیر ملکیوں کے ملوث ہونے پر تشویش ہے، معاملہ ہر جگہ اٹھایا جارہا ہے۔
میڈیا سے گفتگو کرتے ہوئے ذوالفقار حمید نے کہا کہ خیبرپختونخوا کے کسی بھی ضلع میں چند سو سے زائد دہشتگرد موجود نہیں، جنوبی وزیرستان میں دہشتگروں کی تعداد زیادہ ہوسکتی ہے۔ انہوں نے کہا کہ جنوبی اضلاع کے تمام ہائی ویز پر پولیس کی پٹرولنگ بحال ہے، دہشتگروں کے خلاف صوبے کے پہاڑی اضلاع میں آپریشنز کر رہے ہیں،دہشتگرد گروپس میں جرائم پیشہ افراد کی موجودگی کے شواہد مل رہے ہیں۔
انہوں نے کہا کہدہشتگردی واقعات میں غیر ملکیوں کے ملوث ہونے پر تشویش ہے، یہ معاملہ ہر جگہ اٹھایا جارہا ہے۔ انہوں نے کہا کہ دہشتگردی کیخلاف جنگ میں پولیس کیلئے کوئی ضلع چیلنجنگ نہیں، جنوبی اضلاع بنوں اور ڈی آئی خان میں پولیس ہائی الرٹ پر ہے۔
