وینس فلم فیسٹیول میں چینی فلموں کی نمایاں شمولیت کا خیر مقدم

وینس فلم فیسٹیول نے چینی سنیما کی نمایاں موجودگی کا خیر مقدم کیا ہے اور عالمی سطح پر اس کے کردار کی اہمیت کو تسلیم کیا ہے۔ فیسٹیول کے ڈائریکٹر البرٹو باربیرا کے مطابق یہ تقریب دنیا بھر کے سنیما کے درمیان مکالمے کے لیے پلیٹ فارم فراہم کرنے کی کوشش کر رہی ہے۔

ساوٴنڈ بائٹ (انگریزی): البرٹو باربیرا، ڈائریکٹر، 82واں وینس فلم فیسٹیول

“حال ہی میں کانز میں چینی فلمیں شامل ہوئیں اور اب وینس میں بھی نظر آرہی ہیں۔ یہ چینی سنیما کی عالمی سطح پر واپسی ہے جو واقعی خوش آئند ہے کیونکہ ہم چینی فلموں کو یاد کرتے ہیں۔

چینی سنیما ہمیشہ عالمی منظرنامے پر ایک اہم کردار ادا کرتا رہا ہے۔ اب ہم نئی صلاحیتوں اور ابھرتی ہوئی آوازوں کو خوش آمدید کہہ رہے ہیں۔

آج چینی سنیما بہت مضبوط نظر آتا ہے۔ ناظرین کی سطح پر دیکھیں تو یہ باکس آفس، خاص طور پر  ایشیا کے جنوب مشرقی  حصے میں بڑی کامیابیاں حاصل کر رہا ہے۔ ساتھ ہی ایسی اعلیٰ فلمیں بھی ہیں جو عالمی ناظرین کو متوجہ کر رہی ہیں۔ معیار یقیناً موجود ہے۔ چینی فلم ساز باصلاحیت، پختہ اور اپنے ملک و ثقافت کی کہانیاں سنانے والے ہیں۔

یہی وہ بات ہے جو مغربی ناظرین کو سب سے زیادہ متاثر کرتی ہے کیونکہ سنیما مختلف ثقافتوں اور دور دراز ممالک کو جوڑنے والا پُل ہے۔ چینی فلمیں دیکھ کر ہم دنیا کے اس اہم حصے کے بارے میں زیادہ سیکھتے ہیں۔

ہمارے پروگرام میں تقریباً 80 فلموں کے عالمی پریمیئر شامل ہیں۔ ہمارا مقصد ممالک اور ثقافتوں کے درمیان پُل بنانا ہے۔ اسی لیے ہم ہر نئی صلاحیت، نئی آواز اور ابھرتے ہوئے فلمی ملک کا خیر مقدم کرتے ہیں۔ ہمیں خوشی ہے کہ ہم اس مقصد کو پورا کر رہے ہیں۔‘‘

وینس انٹرنیشنل فلم فیسٹیول کا 82واں ایڈیشن 27 اگست سے 6 ستمبر تک جاری رہا ہے۔

چینی اداکارہ شِن ژی لی کو فلم ‘دی سن رائزز آن اَس آل’ میں اداکاری پر بہترین اداکارہ کا ایوارڈ دیا گیا ہے۔ وہ

یہ اعزاز حاصل کرنے والی چینی زبان کی تیسری اداکارہ بن گئی ہیں۔ اس سے قبل گونگ لی نے 1992 میں اور ڈینی اِپ نے 2011 میں یہ انعام حاصل کیا تھا۔

وینس، اٹلی سے نمائندہ شِنہوا نیوز ایجنسی کی رپورٹ

————————————————

آن سکرین ٹیکسٹ:

وینس فلم فیسٹیول میں چینی سنیما کی نمایاں واپسی

چینی فلمیں عالمی سنیما کا اہم حصہ ہیں۔ڈائریکٹر فلم فیسٹیول

چینی سنیما عالمی منظرنامے پر اہم کردار ادا کر رہا ہے

چینی فلموں کی باکس آفس پر کامیابی

چینی فلمیں عالمی ناظرین کو متاثر کر رہی ہیں

چینی فلم ساز اپنی ثقافت کی کہانیاں دنیا تک پہنچا رہے ہیں

82ویں وینس فلم فیسٹیول میں 80 فلموں کے عالمی پریمیئر شامل

چینی اداکارہ شِن ژی لی نے بہترین اداکارہ ہونے کا ایوارڈ اپنے نام کر لیا

شِن ژی لی یہ اعزاز حاصل کرنے والی چینی زبان کی تیسری اداکارہ ہیں