وزیراعلیٰ خیبرپختونخوا علی امین گنڈاپور نے کہا ہے کہ مذاکرات خطے میں پائیدار امن قائم رکھنے کا واحد ذریعہ ہیں۔ انہوں نے افغان سفارتخانے کے دورے کے موقع پر افغانستان میں زلزلے کے باعث قیمتی جانوں کے ضیاع پر افسوس کا اظہار کیا اور متاثرین کی مدد کے لیے اپنی صوبائی حکومت کی تیاریاں واضح کیں۔
وزیراعلیٰ نے کہا کہ خیبرپختونخوا حکومت افغانستان واپس جانے والے افغان مہاجرین کو سہولتیں فراہم کر رہی ہے تاکہ وہ باعزت زندگی گزار سکیں۔ انہوں نے مزید کہا کہ دونوں ممالک کے درمیان تجارتی سرگرمیوں کو فروغ دے کر روزگار کے مواقع پیدا کیے جا سکتے ہیں۔
اس موقع پر افغان سفیر نے زلزلہ متاثرین کی امداد پر وزیر اعلیٰ علی امین کا شکریہ ادا کیا۔
