لاہور: فیفا نے ایرلنگ ہالینڈ کے ساتھ کھیلنے والے32 سالہ مڈ فیلڈ فٹبالر اعتزاز حسین کو پاکستان کی نمائندگی کے لیے اہل قرار دیتے ہوئے اعتزاز کے ناروے فٹبال سے پاکستان فٹبال تبادلے کی توثیق کر دی۔
مولڈے کلب کے ساتھ اعتزاز نے 4 مرتبہ لیگ اور 3 مرتبہ ناروے ایف اے کپ ٹائٹل جیتے۔ اعتزاز حسین انڈر 16 سے انڈر 23 کی مختلف ایج گروپ فٹبال میں ناروے کی نمائندگی کر چکے ہیں۔
اعتزاز 2009 سے 2011 تک مانچسٹر یونائیٹڈ یوتھ ٹیم کا حصہ بھی رہ چکے ہیں، ان کے والدین کا تعلق ضلع گجرات کے شہر کھاریاں سے ہے۔ اعتزاز نے دو سال قبل پاکستان کا پاسپورٹ بھی حاصل کر لیا تھا۔ اعتزاز حسین مولڈے فٹبال کلب میں ایرلنگ ہالینڈ کے ساتھ فٹبال کھیل چکے ہیں۔
