لاہور: لاہور پولیس نے اسلحہ کے زور پر لڑکی کو ہراساں کرنے والا اوباش ہمسایہ گرفتار کرلیا۔ ترجمان پولیس کے مطابق جوانسال لڑکی والد محمد احمد کیساتھ بابو صابو بند روڈ میں رہائش پذیر تھی، ہمسایہ بابر لڑکی کو پستول دِکھا کر ڈراتا، دھمکاتا، ہراساں کرتا اور اپنے ساتھ برائی کرنے پر اکساتا۔
پولیس نے والد محمد احمد کی مدعیت میں مقدمہ درج کر کے ملزم کو گرفتار کر کے پستول برآمد کرلیا۔ دوسری جانب ایس پی اقبال ٹائون ڈاکٹر محمد عمر نے ایس ایچ او شیراکوٹ رفیع اللہ خاں اور پولیس ٹیم کو شاباش دیتے ہوئے واضح کیا کہ شہریوں سے بداخلاقی کرنے والے بدمعاش جیلوں میں جائیں گے، ایسے عناصر سے کوئی نرمی نہیں برتی جائیگی۔
