جکارتہ: انڈونیشیا میں شدید بارشوں اور سیلاب کے نتیجے میں 19 افراد ہلاک اور متعدد لا پتا ہوگئے۔
غیر ملکی میڈیا کے مطابق نیشنل ڈیزاسٹر ایجنسی کے ترجمان نے کہا ہے کہ مشہور سیاحتی مقام بالی میں بارش اور سیلاب کی وجہ سے 14افراد ہلاک ہوئے جب کہ دیگر اموات مختلف اضلاع سے رپورٹ ہوئیں، کچھ افراد کے لاپتا ہونے کی بھی اطلاعات سامنے آئی ہیں جن کی تلاش کیلئے سرچ آپریشن کیا جارہا ہے جب کہ 500 کے قریب لوگوں کو محفوظ مقام پر منتقل کیا گیا ہے۔
