تیانجن: روسی صدر ولادی میر پیوٹن نے کہا ہے کہ امریکا کے ساتھ الاسکا سمٹ میں سمجھوتے طے پائے ہیں، امریکی صدر نے یوکرین میں امن کے لیے راستہ کھولا ہے، یوکرین میں بحران کی بنیادی وجوہات کو حل کرنا اور سیکیورٹی کا توازن قائم کرنا ضروری ہے۔
روسی صدر ولادی میر پیوٹن نے تیانجن میں خطاب کرتے ہوئے کہا کہ یوکرین میں بحران حملے سے نہیں بلکہ یوکرین میں مغربی اتحادیوں کی حمایت یافتہ بغاوت سے ہوا۔
انہوں نے کہا کہ مغرب کی یوکرین کو نیٹو میں شامل کرنے کی کوششیں یوکرین بحران کی وجوہات میں سے ایک ہے۔
ان کا کہنا تھا کہ روس اس اصول پر قائم ہے کہ کوئی ملک دوسرے کے نقصان پر اپنی سلامتی کو یقینی نہیں بنا سکتا ہے۔
