پشاور: مردان پولیس نے غیر اخلاقی مواد، فحش زبان، گالم گلوچ پر 6 ٹک ٹاکرز کیخلاف مقدمات درج کرکے ایک ملزم کو گرفتار کرلیا ہے۔
ڈی پی او مردان ظہور آفریدی کے مطابق گرفتار ٹک ٹاکر سوشل میڈیا پر اخلاقیات کی خلاف ورزی اور معاشرتی بگاڑ کا باعث بن رہا تھا۔ انہوں نے بتایا کہ دیگر ملزمان کی گرفتاری کیلئے چھاپے مارے جارہے ہیں۔
ڈی پی او مردان نے کہا ہے کہ نوجوان نسل سوشل میڈیا کو مثبت کے بجائے منفی مقاصد کیلئے استعمال کر رہی ہے جس سے معاشرے میں غیر اخلاقی رجحانات پروان چڑھ رہے ہیں۔ انہوں نے کہا کہ سوشل میڈیا پر فحش زبان، گالی گلوچ، اور غیر اخلاقی گفتگو کو ہرگز برداشت نہیں کیا جائے گا، ایسی سرگرمیوں میں ملوث افراد کیخلاف سخت قانونی کارروائی عمل میں لائی جائے گی۔
