کراچی: پاکستانی تھیٹر اداکارہ روبی انعم نے لیجنڈری اداکارہ بشری انصاری سے معافی مانگتے ہوئے کہا ہے کہ یہ سب چیزیں اللہ آپ کے دل میں ڈالتے ہیں، میں نے ابھی تک کوئی ایسی بات نہیں کی لیکن اگر کسی کو لگتا ہے کہ میں نے جان بوجھ کر کچھ کیا ہے، کسی کا دل میری وجہ سے ٹوٹا ہے تو مجھے معافی کیجیے۔
مختلف سوشل میڈیا پلیٹ فارمز پر روبی انعم کی ایک ویڈیو وائرل ہو رہی ہے، جس میں انہوں نے بشری انصاری کا نام لیے بغیر کہا کہ براہِ مہرابانی جب تک میں بتا نہیں دیتی اس وقت تک کوئی فیصلہ نہ کیجیے، میں عنقریب اپنے پروگرام میں بتاوں گی۔
ان کا کہنا ہے کہ آپ کبھی کسی کا دل توڑ کر، کسی کا برا کر کے، کسی کی دل آزاری کر کے آپ کبھی خوش نہیں رہ سکتے۔ نہ ہی کسی کی بد دعا لے کر زندگی میں کبھی کامیاب ہوسکتے ہیں۔
واضح رہے کہ گزشتہ دنوں روبی انعم کا ایک ویڈیو کلپ وائرل ہوا تھا جس میں انہوں نے بشری انصاری اور ان کی بہن اسما عباس پر تنقید کی تھی۔
