بیرات: حزب اللہ نے کہا ہے کہ لبنان کی خودمختاری صرف اسرائیلی جارحیت کے خاتمے کی صورت میں حاصل ہوسکتی ہے، اسرائیل فوری جنگ بندی کرے، ہم ہتھیار نہیں ڈالیں گے۔
غیر ملکی میڈیا کے مطابق حزب اللہ کے سیکریٹری جنرل نعیم قاسم نے کہا ہے کہ لبنانی حکومت اسرائیل کو 2024 کے جنگ بندی معاہدے کی تکمیل کو یقینی بنانے کو کہے۔ ہماری مزاحمت ایک مضبوط رکاوٹ کے طور پر موجود رہے گی اور اسرائیل کو اس کے مقاصد کے حصول کے لیے روکے گی۔
انہوں نے حزب اللہ کو ضم کرنے کا حکومتی اور غیر ملکی مطالبہ مسترد کر تے ہوئے کہا کہ پہلے اسرائیل لبنان کی سرزمین سے جائے، ہمارے قیدیوں کو رہا کرے اور حملے بند کردے۔
