اسلام آباد: پی ٹی آئی رہنما سلمان اکرم راجہ نے سیکرٹری جنرل پی ٹی آئی کا عہدہ چھوڑنے کا اعلان کرتے ہوئے کہا ہے کہ میری زندگی کھلی کتاب ہے، میرا کوئی عمل کسی اصول سے متصادم نہیں، فکری و معاشی دیانت پر سمجھوتہ مجھے قبول نہیں۔
سماجی رابطیکی ویب سائٹ ایکس پر اپنے ایک بیان میں انہوں نے کہا کہ آج ایک ایسا واقعہ ہوا ہے جو اب مجھ سے دو ٹوک فیصلے کا تقاضا کرتا ہے، کل میں خان صاحب سے گزارش کر کے عہدے سے علیحدہ ہو جاوں گا، میری وکالتی خدمات بلامعاوضہ حاضر رہیں گی۔
انہوں نے کہا کہ میں کوئی روایتی سیاست دان نہیں، نہ جاگیردار، نہ مل اونر، تاہم میرا مختصر خاندان میرے ساتھ کھڑا ہے۔ انہوں نے کہا کہ ہم نے پارٹی کے اندر اور باہر سے ہر قسم کے رقیق حملوں کو سہا ہے، کوئی ملال نہیں، اپنی بھرپور وکالت کو پس پشت ڈال کر معاشی بے یقینی کو بخوشی قبول کیا۔
سلمان اکرم راجہ نے کہا کہ گزشتہ منگل بانی پی ٹی آئی کو علی بخاری کے ذریعے پیغام پہنچایا تھا، منگل کو بانی پی ٹی آئی نے میری بھیجی گزارش تسلیم نہ کی۔
