کراچی: پاکستان شوبز کی اداکارہ اسما عباس کا واٹس ایپ اکاؤنٹ ہیک ہوگیا۔ سوشل میڈیا پر جاری ایک ویڈیو پیغام میں اسما عباس نے بتایا کہمیری بیٹی زارا نے مجھے ایک پارسل بھیجا تھا جس کی میں منتظر تھیں اسی دوران مجھے ایک کال موصول ہوئی جس پر انہیں کہا گیا کہ ان کا پارسل آچکا ہے جس کو موصول کرنے کیلئے انہیں واٹس ایپ پر ایک کوڈ بھیجا گیا ہے وہ بتائیں۔
اداکارہ نے بتایا کہ جب انہوں نے کال پر وہ کوڈ بتایا تو اسی وقت ان کا واٹس ایپ اکانٹ ہیک ہوگیا۔ اور وہ یہی سمجھیں کہ بارشوں کے باعث پارسل اب آیا ہے اس لئے انہوں نے کوڈ بتا دیا۔
اسما عباس کی بہن اور سینئر اداکارہ بشری انصاری نے بھی اسما کے واٹس ایپ سے بھیجے جانے والے میسجز کا اسکرین شاٹ شیئر کیا جس میں کسی جاننے والے سے 10 لاکھ روپے کی بھاری رقم ادھار مانگی گئی تھی۔
