وانا : جنوبی وزیرستان لوئر کی تحصیل برمل میں ایک روز کیلئے دفعہ 144نافذ کردی گئی۔
محکمہ داخلہ کی جانب سے جاری نوٹیفکیشن کے مطابق پابندی سیکیورٹی خدشات اور فورسز کے سامان کی ترسیل کے باعث لگائی گئی ہے جس کا نفاذ شام 7بجے تک ہوگا۔
نوٹیفکیشن کے مطابق راغزئی بازار سمیت دیگر تمام مارکیٹس بند رہے گیں، پابندی کے تحت انگور اڈا، زم چینہ، خامرنگ، رغزئی، شولام تا وانا روٹ پر سفر کرنا ممنوع ہوگا۔
نوٹیفکیشن کے مطابق صرف ایمرجنسی کی صورت میں سیکیورٹی فورسز کی اجازت سے سفر کیا جا سکے گا۔نوٹیفکیشن میں شہریوں کو سیکیورٹی فورسز کی گاڑی دیکھ کر اپنی گاڑی 100میٹر فاصلے پر روکنے کی ہدایت کی گئی ہے۔
