اسلام آباد: نائب وزیراعظم و وزیر خارجہ اسحاق ڈار پیر کو دو روزہ سرکاری دورے پر سعودی عرب جائیں گے ۔ اسحاق ڈار 25 تا 26 اگست سعودی عرب کا دورہ کریں گے، وہ ڈھاکا کے دورے کے بعد براہِ راست جدہ روانہ ہوں گے جہاں وہ او آئی سی وزرائے خارجہ کونسل کے غیر معمولی اجلاس میں شریک ہوں گے۔
او آئی سی اجلاس میں فلسطین کی موجودہ صورتحال کے تناظر میں مشترکہ حکمت عملی پر غور ہوگا، اسرائیلی جارحیت اور غزہ پر فوجی کنٹرول کے منصوبے پر بھی اجلاس میں بات چیت ہوگی۔
او آئی سی وزرائے خارجہ فلسطینی عوام کے حقوق کی سنگین خلاف ورزیوں پر غور کریں گے۔
