اسلام آباد: چیئرمین پی ٹی آئی بیرسٹر گوہر نے حکومت اور اداروں سے سنجیدگی و تحمل کا مظاہرہ کرنے کا مطالبہ کرتے ہوئے کہا ہے کہ ملک کے حالات پہلے ہی نازک ہیں، ان میں مزید بگاڑ پیدا نہ کیا جائے، ہم اپیل کرتے ہیں کہ اس طرح کے رویے نہ اپنائے جائیں تاکہ حالات بہتر ہوسکیں۔
اپنے ایک بیان میں انہوں نے کہا کہ علیمہ خان کے بیٹوں کی گرفتاری افسوس ناک ہے ، سیاسی رہنماوں کے اہل خانہ کو نشانہ بنانا غیر جمہوری رویہ ہے، ایسے اقدامات سیاسی و سماجی ماحول کو مزید کشیدہ کرتے ہیں۔
بیرسٹر گوہر نے کہا کہ سیاسی انتقام ترک کر کے استحکام اور مثبت رویوں کو فروغ دیا جائے، پاکستانی عوام جمہوری اقدار کے تحفظ کے خواہاں ہیں، سیاسی استحکام کے لیے تمام اسٹیک ہولڈرز کو مثبت کردار ادا کرنا ہوگا۔
