لاہور: پاکستان اور جنوبی افریقا ویمنز کرکٹ سیریز16 سے 22 ستمبر تک قذافی سٹیڈیم لاہور میں کھیلی جائے گی۔ پاکستانی امپائر سلیمہ امتیاز پہلی بار دو طرفہ ون ڈے انٹرنیشنل سیریز میں امپائرنگ کریں گی، ان کے ساتھ آسٹریلیا کی کلیئر پولو سیک بھی امپائرنگ کے فرائض سرانجام دیں گی۔
سیریز کے دوران سابق ٹیسٹ کرکٹر علی نقوی میچ ریفری کی حیثیت سے ذمہ داریاں انجام دیں گے، یہ سیریز پاکستان میں ویمنز کرکٹ کے فروغ اور انٹرنیشنل سطح پر پاکستانی آفیشلز کے کردار کو مزید اجاگر کرے گی۔
پاکستانی آفیشلز میں طارق رشید آن فیلڈ امپائرنگ کے فرائض نبھائیں گے جبکہ حمیرہ فرح کو ریزرو امپائر نامزد کیا گیا ہے۔
