واشنگٹن: امریکی اخبار نے پاکستان کی حالیہ سفارت کاری مہم کو بہترین قرار دیتے ہوئے کہا ہے کہ بھارت سے جنگ بندی کے بعد پاک امریکا تعلقات میں مزید تیزی آئی ہے، پاک امریکا تعلقات میں دنیا فیلڈ مارشل سید عاصم منیر کی کامیاب ڈپلومیسی کی معترف ہوگئی، پاکستان کی کامیاب سفارت کاری کی بدولت پاک امریکا تعلقات نئی بلندیوں پر پہنچ گئے۔
اخبار نے اپنی رپورٹ میں کہا کہ امریکا نے انسداد دہشتگردی کیخلاف پاکستانی اقدامات کی تعریف کی، اور پاکستان کی کامیاب سفارت کاری کی بدولت کالعدم تنظیم بی ایل کو عالمی دہشت گرد تنظیم قرار دیا اور پاکستان نے امریکا کو کرپٹو کے منصوبوں اورمعدنیات کی ترقی میں شراکت کی پیشکش کی، اور صدر ٹرمپ نے پاکستان میں مختلف شعبوں میں سرمایہ کاری میں دلچسپی کا اظہار کیا۔
امریکی روز نامے نے فیلڈ مارشل عاصم منیر کے حالیہ دورہ امریکا کو پاک امریکا تعلقات میں ایک نئی جہت کی علامت قرار دیا۔
اخبار نیکہا کہ ٹرمپ کا دوبارہ امریکی صدر منتخب ہونا پاکستان کیلئے چیلنج سمجھا جارہا تھا تاہم بدلتے عالمی حالات میں پاکستانی حکام نے وائٹ ہاوس کے ساتھ قریبی تعلقات کو فروغ دیا۔
