اسلام آباد: وزیراعظم شریف نے پائلٹ آفیسر راشد منہاس (نشان حیدر) کو شاندار خراج عقیدت پیش کرتے ہوئے کہا ہے کہ شہید کی عظیم قربانی ہمت اور فرض سے لگن کی اعلی روایات کی مظہر ہے۔
برسی پر جاری بیان میں وزیراعظم نے کہا کہ 1971 میں آج کے دن پائلٹ افسر راشد منہاس نے غیر معمولی عزم کا مظاہرہ کرتے ہوئے پاکستان کی خودمختاری کے تحفظ کیلئے جام شہادت نوش کیا، ان کا لاجواب جذبہ، وفاداری اور حب الوطنی مسلح افواج اور قوم کے لیے ایک لازوال ترغیب کا باعث ہے۔
وزیراعظم نے کہا کہ شہید کی بہادری کی داستان، ہمارے قومی ضمیر کو آزادی کی قیمت اور مادر وطن کے دفاع کیلئے درکار حوصلے کی لازوال یاد دہانی ہے، پاکستان کی مسلح افواج کو ان کی لازوال میراث کو شاندار خراج تحسین پیش کرتے ہیں۔
وزیراعظم نے کہا کہ راشد منہاس کا نام قوم کی تاریخ میں ہمیشہ وفاداری، حوصلے اور فخر کی علامت کے طور پر محفوظ رہے گا۔
