چین کے دارالحکومت بیجنگ کے ضلع چھاؤ یانگ کے سینما میں ایک لڑکا فلم ’’ڈیڈ ٹو رائٹس‘‘ کا پوسٹر دیکھ رہا ہے-(شِنہوا)
بیجنگ(شِنہوا)چین کے 2025 کے سمر باکس آفس کی آمدنی پیر کے دن تک 10 ارب یوآن (تقریباً 1.4 ارب امریکی ڈالر) سے تجاوز کرگئی ہے اور مقامی فلمیں سرفہرست 3 پوزیشنوں پر قابض ہیں۔
دوسری جنگ عظیم کے دوران نان جِنگ قتل عام سے متعلق فلم ’’ڈیڈ ٹو رائٹس‘‘25 جولائی کو اپنی ریلیز کے بعد سے اب تک ٹکٹوں کی فروخت سے 2.6 ارب یوآن کی آمدن کے ساتھ سرفہرست ہے۔
مشہور اینیمیشن سیریز "یاؤ-چائنیز فوکٹیلز” سے ماخوذ فلم ’’نوباڈی‘‘ دوسرے نمبر پر ہے۔ 2 اگست کو ریلیز ہونے کے بعد یہ فلم ایک ارب یوآن سے زیادہ آمدن حاصل کرکے چین میں دو جہتی اینیمیشن کی سب سے زیادہ آمدن والی فلم کا ریکارڈ قائم کر چکی ہے۔
تانگ سلطنت میں سب سے زیادہ فروخت ہونے والے ناول سے ماخوذ تلخ اور خوشگوار دور پر مبنی ڈرامہ فلم "دی لیچی روڈ” تیسرے نمبر پر ہے۔ یہ فلم 18 جولائی کو ریلیز کے بعد سے اب تک 67 کروڑ یوآن سے زائد آمدن کر چکی ہے۔
چین میں یکم جون سے 31 اگست تک چلنے والاموسم گرما کا فلمی عرصہ سال کا سب سے منافع بخش باکس آفس عرصہ سمجھا جاتا ہے۔
