چین کے شمال مغربی ننگشیا ہوئی خودمختار علاقے کے دارالحکومت یِن چھوان کی یونگ نِنگ کاؤنٹی کے قصبے من نِنگ میں حکومتی تعاون سے قائم ای کامرس ورکشاپ میں عملے کی ایک رکن مقامی مصنوعات کو لائیو سٹریم کے ذریعے فروخت کر رہی ہے-(شِنہوا)
بیجنگ(شِنہوا)چین کی قومی عوامی کانگریس (این پی سی) اور اس کی قائمہ کمیٹی نے مارچ 2021 سے اب تک 35 قوانین منظور کئے، قوانین میں 62 ترامیم کیں اور 34 لازمی قراردادوں کی منظوری دی ہے۔
این پی سی کی قائمہ کمیٹی کے ڈپٹی سیکرٹری جنرل سونگ روئی نے ایک پریس کانفرنس میں 14ویں پانچ سالہ منصوبے (2021-2025) کے دوران چین میں سوشلسٹ جمہوریت کی ترقی پر روشنی ڈالی۔
سونگ روئی نے کہا کہ قانون سازی کی ان کوششوں سے ریاستی نظم ونسق کو بہتر بنانے، عوام کی بہتر زندگی کی خواہشات کو پورا کرنے اور قومی سلامتی کے تحفظ کو مضبوط بنانے کے لئے قانونی نظام کو بہتر بنایا گیاہے۔
