اسلام آباد: وفاقی وزیر داخلہ محسن نقوی نے ریگی میں فتنہ الہندوستان کے 18 مطلوب دہشت گردوں کو جہنم واصل کرنے پر خیبرپختونخوا پولیس اور سی ٹی ڈی کو خراج تحسین پیش کیا ہے۔
جاری بیان میں محسن نقوی نے کہا کہ ہلاک دہشت گرد ملکی سلامتی کیخلاف مذموم عزائم رکھتے تھے ۔انہوں نے کہا کہ خیبرپختونخوا پولیس اور سی ٹی ڈی نے دشمن کے ناپاک منصوبے ناکام بنا کر یہ ثابت کر دیا کہ پاکستان کی سیکیورٹی فورسز ہر خطرے کا مقابلہ کرنے کی صلاحیت رکھتی ہیں۔
انہوں نے کہا کہ فتنہ الہندوستان کے دہشتگردوں کا خاتمہ ملک کے امن کیلئے ایک بڑی کامیابی ہے ۔ انہوں نے آپریشن میں حصہ لینے والے تمام اہلکاروں کی پیشہ ورانہ مہارت، جرات اور فرض شناسی کو سراہتے ہوئے انہیں قومی ہیرو قرار دیتے ہوئے کہا کہ پوری قوم سیکیورٹی فورسز کے شانہ بشانہ کھڑی ہے۔
