اسلام آباد: قومی اسمبلی نے بیوی کو گھر سے نکالنے پر قید و جرمانے کی سزا کا بل متعلقہ قائمہ کمیٹی کے سپرد کردیا۔
بدھ کو قومی اسمبلی جلاس میں پیپلز پارٹی کی رکن شرمیلا فاروقی نے جانب سے پیش مجوزہ بل (فوجداری قانون ترمیمی بل 2025ئ)میں تعزیرات پاکستان میں سیکشن 298 ڈی کے نام سے نئی شق شامل کرنے کی تجویز دی گئی ہے۔
بل کے مطابق شوہر یا گھر کے کسی فرد کی جانب سے غیر منصفانہ طور پر خاتون کو گھر سے نکالنا جرم ہوگا، خاتون کو گھر سے نکالنے پر 3 سے 6 ماہ قید کی سزا دی جائیگی، جرم کے ارتکاب پر 2 لاکھ روپے جرمانہ بھی عائد کیا جا سکتا ہے۔
بل کے مطابق خاتون کو گھر سے نکالنے کے مقدمات کی سماعت کا مجاز فرسٹ کلاس مجسٹریٹ ہوگا۔ ڈپٹی سپیکر نے بل کو مزید غور کیلئے متعلقہ کمیٹی کے سپرد کردیا۔
