کراچی: اینٹی کرپشن سندھ نے ٹھیکوں کی جعلی نیلامی پر سندھ ورکرز ویلفیئر بورڈ کے افسر کی خلاف تحقیقات شروع کردیں۔ ذرائع کے مطابق محکمہ اینٹی کرپشن حکام کی جانب سے ڈی جی ورکرز ویلفیئر بورڈ سندھ کو لکھے گئے خط میں کہا گیا ہے کہ ادارے کے افسرنے رولز کی خلاف ورزی کر کے جعلی نیلامی میں من پسند ٹھیکیداروں کو ٹھیکے دیئے اور رشوت وصول کر کے ورک آرڈرز جاری کئے۔
خط میں متعلقہ افسر کو 13اگست کو ایڈیشنل ڈائریکٹر اینٹی کرپشن کے دفتر میں حاضر ہونے کا حکم دیا گیا ہے۔خط میں سندھ کے ورکرز ویلفیئر بورڈ کو حکم دیا گیا ہے کہ سالانہ ترقیاتی پروگرام کے بجٹ، ٹینڈر دستاویز، ورک آرڈرز اور ادائیگی کی تفصیلات بھی پیش کی جائیں۔
