تھرپارکر: تھرپارکر میں آر او پلانٹس کی مرمت و دیکھ بھال فنڈز میں 15کروڑ سے زائد کی کرپشن پر دو انجینئرز کو برطرف کردیا گیا۔
ترجمان چیف سیکرٹری سندھ آصف حیدر شاہ کے مطابق تھرپارکر میں آر او پلانٹس کی مرمت و دیکھ بھال کے فنڈز میں 15کروڑ سے زائد کی کرپشن سامنے آنے پر چیف سیکرٹری نے نوٹس لیتے ہوئے محکمہ پبلک ہیلتھ انجینئرنگ کے دو ایگزیکٹیو انجینئرز کو ملازمت سے برطرف کر دیا ہے جبکہ افسران سے خوردبرد شدہ رقم واپس لینے کی بھی ہدایت کی ہے۔ ترجمان کے مطابق انکوائری میں دونوں افسران پر فنڈز کے ناجائز استعمال کے الزامات ثابت ہونے پر انہیں سندھ سول سرونٹس رولز کے تحت سزا دی گئی ہے۔
ترجمان کے مطابق واقعہ کے بعد چیف سیکرٹری نے صوبے کے تمام اضلاع میں پلانٹس کی مانیٹرنگ کا حکم دیا ہے۔
