اسلام آباد: پنجاب اسمبلی میں پی ٹی آئی کے پارلیمانی لیڈر حافظ فرحت عباس نے مستعفی ہونے کا اعلان کرتے ہوئے کہا ہے کہ پارلیمانی لیڈر کا عہدہ اہمیت و توجہ کا متقاضی ہے،درج مقدمات کے باعث عہدے کی ذمہ داریوں سے انصاف نہیں کرسکوں گا۔
تفصیلات کے مطابق ایک بیان میں پنجاب اسمبلی میں پی ٹی آئی کے پارلیمانی لیڈر حافظ فرحت عباس نے استعفیٰ دینے کا اعلان کرتے ہوئے کہا ہے کہ پارلیمانی لیڈر کا عہدہ بھرپور اہمیت اور توجہ کا متقاضی ہے،سیاسی بنیادوں پر میری ضمانتیں خارج کی گئی ہیں، ان حالات میں پارلیمانی لیڈر کے عہدے کی ذمہ داریوں سے انصاف نہیں کر سکوں گا۔
انہوں نے کہا کہ بانی پی ٹی آئی سے درخواست کی ہے مجھے استعفیٰ دینے کی اجازت دی جائے، میں نے اپنا استعفیٰ پارٹی کو پیش کر دیا ہے۔انہوں نے کہا کہ میں بحیثیت ممبر صوبائی اسمبلی اور کارکن اپنے لیڈر کے ساتھ کھڑا رہوں گا۔
