اسلام آباد: چیف جسٹس اسلام آباد ہائی کورٹ کی منظوری کے بعد آئندہ ہفتے کیلئے ججز کا ڈیوٹی روسٹر جاری کر دیا گیا۔رجسٹرار آفس کی جانب سے جاری روسٹر کے مطابق 4سے 8اپریل تک ایک ڈویژن بنچ اور 6سنگل بنچز دستیاب ہوں گے۔
روسٹر کے مطابق ڈویژن بینچ چیف جسٹس اسلام آباد ہائیکورٹ اور جسٹس محمد آصف پر مشتمل ہوگا جبکہ تعطیلات کے بعد جسٹس بابر ستار بھی دوبارہ عدالتی امور سرانجام دینے کیلئے دستیاب ہوں گے۔روسٹر کے تحت جسٹس سردار اعجاز اسحاق خان، جسٹس ارباب محمد طاہر، جسٹس محمد اعظم خان، جسٹس خادم سومرو اور جسٹس انعام امین منہاس آئندہ ہفتے رخصت پر ہوں گے۔
رجسٹرار آفس کے مطابق روسٹر عدالتی کارکردگی کو منظم انداز میں جاری رکھنے ،تعطیلات کے دوران زیر التوا مقدمات کی سماعت یقینی بنانے کیلئے ترتیب دیا گیا ہے۔
