کراچی: صدر آصف زرداری نے وزیراعلی میر سرفراز بگٹی کو بلوچستان میں امن و امان صورتحال بہتر ،عوامی فلاح، بنیادی سہولتوں کی فراہمی و ترقیاتی منصوبوں کی بروقت تکمیل یقینی بنانے کی ہدایت کردی۔
جاری بیان کے مطابق وزیراعلی میر سرفراز بگٹی نے بلاول ہاؤس میں صدر مملکت سے ملاقات کی جس میں بلوچستان کی ترقی اور مجموعی سیاسی صورتحال پر تبادلہ خیال کیا گیا۔
وزیراعلی نے صدر کو صوبے میں امن و امان اور ترقیاتی منصوبوں کے حوالے سے بریفنگ دی۔ صدر آصف زرداری کہا کہ سرفراز بگٹی کو بلوچستان میں امن وامان صورتحال مزید بہتر بنانے کی ہدایت کرتے ہوئے کہا کہ بلوچ عوام کا معیارِ زندگی بہتر بنانے کیلئے موثر اقدامات کئے جائیں، صوبے میں عوامی فلاح، بنیادی سہولتوں کی فراہمی و ترقیاتی منصوبوں کی بروقت تکمیل یقینی بنائی جائے۔
